Presentación

¿Que é Realiter?

Realiter é unha rede panlatina de terminoloxía que agrupa a persoas, institucións e organismos de paísese de linguas neolatinas que traballan activamente en terminoloxía.

Obxectivo xeral

Favorecer un desenvolvemento armónico das linguas neolatinas, tendo en conta a súa orixe común e o feito de que tódalas linguas romances presentan modos de formación léxica próximos entre elas, e que utilizan formantes semellantes.

Obxectivos específicos

Establecer principios metodolóxicos comúns aplicables á realización dos productos elaborados conxuntamente.
Levar a cabo traballos en común e crear ferramentas susceptibles de servir para o desenvolvemento das linguas neolatinas.
Realizar traballos terminolóxicos conxuntos multilingües nos ámbitos de interese común para a sociedade.
Poñer en común os materiais de referencia documentais.
Favorece-la formación recíproca por medio dos intercambios de formadores, de expertos, de estudiantes e de material didáctico.

Estructura

A Rede Panlatina de Terminoloxía componse dunha Asemblea, un Comité, unha Secretaría ademais de varios Grupos de traballo encargados de levar a cabo os proxectos conxuntos.

A Asemblea, que agrupa a tódolos membros da Rede, nomea á Secretaría e elixe ós membros do Comité. Convocada periodicamente en reunión plenaria, pode verse levada a tomar decisións en calquera momento, a petición do Comité, dado o seu papel consultivo no seo da Rede.

O Comité está integrado por, alomenos, un membro de cada grupo lingüístico intracontinental (catalán, galego, italiano e romanés) e dous membros de cada grupo lingüístico intercontinental (español, francés e portugués), entre os que se elixe ó Secretario Xeral. A constitución do Comité permite tomar en conta as outras redes latinas de terminoloxía representadas dentrod de Realiter. Cada membro do Comité comprométese a estar presente nas reunións, e é a nivel deste que se toman a maioría das decisións da Rede.

Actualmente os membros do Comité son os seguintes:

lingua catalana: M. Teresa Cabré, Universitat Pompeu Fabra, Institut de Lingüística Aplicada

lingua española: Ignacio Ahumada Lara, CINDOC; María Pozzi, El Colegio de México

lingua francesa: Loïc Depecker, Université de Paris III ; Louis-Jean Rousseau, Office québécois de la langue française

lingua galega: Manuel Nuñez Singala, Universidad de Santiago de Compostela

lingua italiana: Franco Bertaccini SSLMIT - Università di Bologna

lingua portuguesa: Manuel Célio Conceição, Univ. do Algarve, Faculdade de Ciências Humanas e Sociais; Ieda Maria Alves, Universidade de São Paulo, Faculdade de Filosofia, Letras e Ciências Humanas

llengua romanesa: Ioana Vintila Radulescu, Institutul de Lingvistică „Iorgu Iordan - Al. Rosetti”

A Secretaría admininstrativa estará en mans da Unión Latina sempre e cando a Rede siga confiándolle esta función e na medida en que a Unión Latina se considere en condicións de asumila. A Secretaría é o órgano executivo da Rede. Desempeña principalmente funcións de coordinación e tesourería, organiza reunións e eventos especiais, ademais de garanti-la circulación da información entre os membros da Rede. Actúa baixo a responsabilidade do Secretario xeral, que ten como papel principal a representación da Rede.

Secretaria Xeral actual: Maria Teresa Cabré

A estructura da Rede abarca, por último, os grupos de traballo, que levan adiante os distintos proxectos. Cada grupo depende dun coordinador, que ten a responsabilidade de conduci-la actividade do grupo.